65134526_456303914940729_835051606390079
IMG_7522.jpg

       

         © ADO Theatre - Collective

 

 

Designed by Olga Guliyeva                   

ADO teatrı Mədəniyyət Nazirliyini məhkəməyə verdi

September 30, 2019

 



Ölkəmizin ilk müstəqil teatrı olan ADO (Azərbaycan Dağınıq Oda teatrı) Azərbaycan Respublikası Mədəniyyət Nazirliyini məhkəməyə verib.

Bu barədə hüquqşünas Samirə Ağayeva məlumat verib: "ADO teatrının rəhbəri Elmin Bədəlov küçə tamaşalarını nümayiş etdirmək üçün 2017-ci ildən etibarən Azərbaycan Respublikası Mədəniyyət Nazirliyinə müraciət edir. Lakin iki il ərzində Nazirlikdən heç bir əsaslı cavab verilməyib. Biz Nazirliklə yanaşı həmçinin Bakı şəhər İcra Hakimiyyətinə də müraciət etdik. Amma bu qurumdan da əsaslı cavab gəlməyib. Hazırda biz ADO teatrı olaraq Azərbaycan Respublikası Mədəniyyət Nazirliyinə qarşı 1 saylı Bakı İnzibati İqtisadi Məhkəməsində iddia qaldırdıq. Tələbimiz ondan ibarətdir ki, Nazirlik bizə qanunla müəyyən olunan qaydada və müddətdə cavab versin. Hazırda Bakı şəhər İcra Hakimiyyətindən cavab gözləyirik. Cavab ala bilməsək, bu quruma qarşı da məhkəmədə iddia qaldırılacaq. 
Məhkəmələr bizi qane etməyən qərar qəbul etdiyi halda Avropa İnsan Haqları Məhkəməsinə müraciət edəcəyik. Öz hüquqlarımızı bərpa etməyə çalışacağıq".

Qeyd edək ki, 26 sentyabr tarixində nazirliyin əməkdaşı Könül Cəfərova nazir tərəfindən teatrın küçə nümayişlərinə qadağa qoyulduğunu bildirib. Nazirlik işçisi qadağanı əsaslandırmayıb.

Share on Facebook
Share on Twitter
Please reload