65134526_456303914940729_835051606390079
IMG_7522.jpg

       

         © ADO Theatre - Collective

 

 

Designed by Olga Guliyeva                   

Teatrla nazirliyin məhkəməsi başlayır

October 23, 2019

 

 

Oktyabrın 30-unda 1 saylı Bakı İnzibati-İqtisadi Məhkəməsində ADO teatrının Azərbaycan Respublikası Mədəniyyət Nazirliyinə qarşı qaldırdığı məhkəmə iddiasının hazırlıq iclası olacaq. Proses saat 15:00-da başlayacaq. Məhkəmənin verdiyi məlumata görə, işə hakim Şəhla Süleymanova sədrlik edəcək. Proses açıq keçiriləcək.

 

İlk müstəqil teatr olan ADO ( Azərbaycan Dağınıq Oda teatrı) 2 ildən çoxdur ki, küçə performansları nümayiş etdirmək üçün Mədəniyyət Nazirliyinə və Bakı Şəhər İcra Hakimiyyətinə rəsmi müraciətlər edir. Lakin hər iki qurum bunun onların səlahiyyətinə aid olmadığını vurğulayır, nazirlik bu məsələyə meriyanın, meriya isə bu məsələyə nazirliyin baxdığını bildirir. Teatr bununla bağlı Mədəniyyət Nazirliyini məhkəməyə verib. Nazirlik teatrın küçə tamaşalarına razılıq vermədiyini bildirir, teatrın son rəsmi müraciətinə isə qanunvericilikdə nəzərdə tutulmuş müddəti keçməsinə baxmayaraq heç bir cavab verməmişdir. Nazirliyin teatr şöbəsinin əməkdaşı Könül Cəfərova isə telefon vasitəsilə teatra bildirib ki, onlar ADO`nun küçə performansları nümayiş etdirməsinə qarşıdırlar.

 

Həmçinin ADO teatrının küçə tamaşalarına Mədəniyyət Nazirliyi tərəfindən əngəllərin törədilməsinə etiraz olaraq vətəndaşlar bir müddət öncə imzatoplama kampaniyasına start verib. 1500 vətəndaş beynəlxalq imzatoplama saytı olan "Change.Org" saytı vasitəsilə bir araya gəlib. Teatr həmin imzaları rəsmi məktubla nazirliyə göndərib və nazirin vətəndaşların, eyni zamanda teatrın mövqeyinə cavab verməsini istəyib. Nazirlik isə vətəndaşların çağırışına hələ ki, reaksiya verməyib.

Share on Facebook
Share on Twitter
Please reload